Көпшілікті алаңдатқан арыстан туралы зоопарк жауап қатты

Almaty Today ақпаратына сәйкес, алматылық хайуанаттар бағы желі қолданушыларының қызу талқылауына түскен арыстанның жағдайы туралы пікір білдірді, деп хабарлайды Ait Media.

Арыстанның есімі – Жұма. 27 наурызда жарияланған видеода автор оның ашығып немесе нашар сезініп жатқандай көрінетінін жазған. Бейне қызу талқыға түсіп, желі қолданушылары аяушылық танытып, зоопарк парақшасын белгілеген еді.

Зоопарк қызметкерлері хабарлағандай, Жұманы 2024 жылғы тамызда жеке иесі алып келіп, арыстан қазір бейімделу кезеңін өтіп жатыр. Оның қимыл-қозғалысы келушілерге реакциясымен байланысты, денсаулығына қатысы жоқ.

Сонымен қатар, зоопаркта жануарларды ұстау жағдайлары стандартқа сай екенін атап өтті. Вольерлерде қажетті температура қамтамасыз етіліп, су мен тамақ уақытылы беріледі, жануарларды ветеринарлар тәулік бойы бақылайды.