Кеден бекеттерінің маңындағы ретсіз саудаға тосқауыл қойылады
Фото: Pexels
Қаржы министрі Мәди Такиев Қазақстан мен Өзбекстан шекарасындағы жайма базарларды реттеу шаралары туралы мәлімдеді, деп хабарлайды AIT Media.
Министрдің айтуынша, өткізу бекеттерінің шыға берісінде көліктерге арналған үлкен тұрақтар салынған. Енді тасымалдаушылар көліктерін жол бойына емес, арнайы тұрақтарға қоя алады. Онда жүргізушілерге қажетті жағдай жасалған.
Мәди Такиев Қазақстан аумағына кіреберісте бұрын болған базардың алынып тасталғанын атап өтті. Сондай-ақ рұқсатсыз жайма базарлар ұйымдастырылған жағдайда, оларға қатысты тиісті шаралар қабылданатынын айтты.
Поделиться
