Шавкат Рахмоновтың жұбайы ажырасатынын айтып, спортшының балалардан бас тартқанын мәлімдеді

Қазақстандық танымал файтер Шавкат Рахмоновтың жұбайы Гүлайым Рахмонова ажырасатынын мәлімдеп, спортшыны балаларынан бас тартты деп айыптады, деп хабарлайды Ait Media.

Гүлайым Рахмонова Instagram парақшасында жазба жариялап, отбасындағы жағдай туралы пікір білдірді. Оның айтуынша, жолдасы балаларды қабылдаудан бас тартқан.

Хабарламада Гүлайым Рахмонова бесінші баланы күтіп отырғанын және спортшының шешімі ол үшін күтпегендей болғанын, енді балалары үшін де сондай әке қаламайтынын айтты:

Ажырасқаннан кейін балалар тек анасына керек болады дейді ғой. Бүгін ол өз балаларынан бас тартты, олар бәрібір анасына ұқсап өсетіндігін негізге алып... Ешқашан осындай қамқор әке бір күнде «балаларды енді әкелме» деп айтады деп ойламаппын!...
Иә, мен төрт бала дүниеге әкелдім, қазір бесіншісіне жүктімін, мен сондай көп бала туады екенмін) Не айтсам екен... Егер әкесіне балалар керек болмаса, балаларға да ондай әке керек емес! Алла маған балаларымды өсіп-жетілдіруге күш-қуат берсін.

Еске салайық, бұған дейін әлеуметтік желілерде Жамбыл облысында болған жол-көлік оқиғасы туралы ақпарат тараған еді. Ресми мәліметке сәйкес, көлікті Гүлайым Рахмонова басқарған.

Оқиға Алматы – Екатеринбург тасжолының 296-шақырымында болған. Toyota Land Cruiser көлігі аударылып, салдарынан бір әйел оқиға орнында қаза тапса, тағы бірі ауруханаға бара жатқан жолда көз жұмған. Рахмонова мен оның ұлы ауруханаға жеткізілген.

Кейінірек іс сотқа жолданды. Прокурордың мәліметінше, жүргізуші ұзақ уақыт бойы демалмай көлік басқарған, салдарынан көлікті бақылаудан шығарып алған.

Сотта Гүлайым Рахмонова өз кінәсін мойындамағанын мәлімдеді. Сонымен қатар, қаза тапқан әйелдердің бірінің отбасы оны кешіргені белгілі болды.