Өздері терген бүлдіргенді туристерге сатқан бүлдіршіндер жұртты тәнті етті
Әлеуметтік желілерде ауыл балаларының өздері терген бүлдіргенді туристерге ұсынып сатқаны туралы видео жарияланды, деп хабарлайды Ait Media.
Видеода балалар стақанға өздері терген бүлдіргенді салып, туристерге: «Бүлдірген аласыздар ма?» – деп қуанышпен ұсынған. Бұл оқиға Алтай аймағында жаз мезгілінде болған екен.
Автор видеода:
"Біз Алтайдың ең биік шыңы Мұзтауға бара жатқан жолда едік. Сол маңдағы Қазақстандағы соңғы үйдің қақпасынан ауылдың балалар жүгіріп шығып, жарыса бізге бүлдірген ұсынып жатты" – деп бөлісті.
Жанар есімді турист әр бір стақан бүлдіргенге 10 000 теңге ұсынған. Саяхатшылар әр баланы құшақтап, басынан сипады.
Автор сондай сәтке деген таңданысын білдіріп:
"Осындай Алтай тауларындағы бақытты жаздан артық ештеңе жоқ сияқты. Соның бәрін тағы да асыға күтеміз" – деп жазды.
Бұл видео әлеуметтік желі қолданушыларының жүрегін жаулап, көпшілікті сүйсіндірді.
Поделиться
