Наурыз мерекесінде Қазақстандық әуе компаниялар 160 қосымша рейс ұсынады

ҚР Көлік министрлігі жариялауынша, Наурыз мерекесі қарсаңында Қазақстанның әуе компаниялары ішкі рейстер санын көбейтіп жатыр, деп хабарлайды Ait Media.

Air Astana және FlyArystan 2026 жылғы 16–29 наурыз аралығында ел ішіндегі ең сұранысқа ие бағыттар бойынша 146 қосымша рейс ұйымдастырады, оның 80 рейсі Алматы – Астана бағытына тиесілі.

Оған қоса, Алматы, Астана және Ақтау қалаларынан Ақтөбе, Шымкент, Түркістан, Қарағанды, Қостанай, Семей, Ақтау, Атырау, Өскемен және Орал қалаларына қосымша рейстер жоспарланған.

SCAT әуе компаниясы 19–21 наурыз аралығында Алматы – Астана бағыты бойынша 5 рейс, Шымкент – Ақтау бағыты бойынша 1 рейс ашатыны хабарланды. Ал 23–26 наурыз аралығында Алматы – Астана бағыты бойынша тағы 4 рейс, сондай-ақ Шымкент – Астана және Ақтау – Астана бағыттары бойынша бір-бір рейстен қосылады.

Бұл қосымша рейстер азаматтарға мереке күндері сапарларын жоспарлауға мүмкіндік беріп, ел ішінде қатынауды жеңілдетеді.

Жолаушыларға әуе компанияларының ресми сайттарынан қосымша рейстер туралы ақпаратты алдын ала тексеріп, билеттерді ертерек рәсімдеуге кеңес беріледі.