Қазақстан инфрақұрылымды жаңарту арқылы экономикалық өсімді қолдамақ

Бүгін Құрылтай отырысында «2027–2029 жылдарға арналған республикалық бюджет туралы» заң жобасы бірінші оқылымда қаралды. Отырыстан кейін өткен брифингте Премьер-министрдің орынбасары - Ұлттық экономика министрі Серік Жұманғарин ЖІӨ өсімі мен инфрақұрылымды жаңарту мәселесіне қатысты сұраққа жауап берді, деп хабарлайды AIT Media.

Серік Жұманғариннің айтуынша, экономикалық өсім мен инфрақұрылымды жөндеу - екі бөлек мәселе. Дегенмен инфрақұрылымдық жобаларға жұмсалған қаражат экономиканың өсуіне де ықпал етеді.

Оның сөзінше, МЭКС ұлттық жобасы аясында биыл 500 млрд теңге, ал келесі жылы 1 трлн теңгеге дейін қаражат жұмсау жоспарланған.

«Инфрақұрылымға жұмсалған қаражат бір жағынан оның сапасын жақсартса, екінші жағынан ЖІӨ өсіміне де үлес қосады», - деді министр.