Баян мен Тұрсын Алагөзовтердің зәулім үйі: киіз үй, жеке бассейн және фитнес-зал

Танымал блогер Бейбіт Әлібеков (ALIBEKOVKZ) Тұрсынғали Алагөзов пен Баян Мақсатқызының үйін аралап, өз YouTube-каналында көрермендерге ерекше рум-тур ұсынды, деп хабарлайды Ait Media.

Үй қаладан жырақ, табиғат аясында орналасқан. Үйдің жалпы ауданы 2000 шаршы метр болса, жалпы үйді қоршаған жер телімі 4 гектарды құрайды.

Кәсіпкер және инвестор Тұрсынғали Алагөзов осындай зәулім үйдің көрінісіне әйелінің талғампаздығының зор әсерін атап өтті:

«Шынында мен бәрін әйелім үшін жасадым, бәрі оған ұнауы үшін».

Шолу киіз үйден басталды. Бұл туралы армандаған Баян Мақсатқызы жарына алғысын былай жеткізді:

«Бұл менің арманым еді, Тұрсынғалиға біз жаңа үйге көшкен кезде мен үлкен, кем дегенде сегіз қанатты киіз үйіміз болуын қатты қалайтынымды айттым. Сол арманымды айта сала – бір айдың ішінде ол пайда болды».

Көрермендерге одан әрі холл, асхана, терраса, staff-зона, балаларға арналған ойын аймағы, бар аймағы көрсетілді.

Тұрсын мен Баян Алагөзовтер спортқа ерекше көңіл бөледі. Сондықтан үйде үлкен бассейн, сауна және жаттығу залы бар фитнес-зона орналасқан. Олардың айтуы бойынша, күн сайын міндетті түрде ұйқыға дейін бассейнде уақыт өткізеді.

Видеоның соңында кәсіпкердің жеке кабинеті мен Алагөзовтердің гардеробтары көрсетілді. Бұл жерден үй иелерінің стильге деген ерекше көзқарасын абйқауға болады. Былғарыдан доптардан жасалған Louis Vuitton бомбері, дизайнерлік костюмдер және Баян Мақсатқызының брендтік сөмкелері де назарға ұсынылды.